Санаи 19 марти соли 2025 дар бинои дастгоҳи марказии Агентии хоҷагии ҷангали назди Ҳукумати Ҷумҳурии Тоҷикистон бо иштироки роҳбарият, кормандони дастгоҳи марказӣ бахшида ба "Иди Наврӯз" маҷлиси тантанавӣ баргузор гардид.
Нахуст, бо сухани ифтитоҳӣ муовини директори Агентии хоҷагии ҷангал муҳтарам Шарифзода Давлаталӣ баромад намуда, аз таърихи ин ҷашни ачдодӣ Наврӯзи оламафрӯз ва тақвими солшумории шамсӣ ва қамарӣ муфассал маълумот доданд.
Дар суханрониашон қайд карда шуд, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар солҳои аввали Истиқлолият бо фидокорӣ тавонист, ки аҳли илму фарҳанг ва тамоми неруҳои солими ҷомеаро атрофи ғояҳои муттаҳидсозанда, пешбаранда ва эҳёи фарҳанги миллӣ гирд оварда, ҷашнҳои миллии тоҷикон, аз ҷумла Наврӯзи оламафрӯзро аз минбарҳои баланди ҷаҳонӣ ба оламиён муаррифӣ намояд.
Сипас, сардори шуъбаи кадрҳо ва таъминоти ҳуқуқӣ – Солеҳзода Зуҳро, муовини сардори раёсати хоҷагии ҷангал – Акрамов Хушнуд, сармутахассиси раёсати хоҷагии ҷангал Аминаи Қурбонхон маърӯзаҳо оиди Соли нави аҷдодиамон – Наврӯзи дилафрӯз ҳамчун рамзи бедорӣ ва шукуфоии табиат, айёми киштукори марди деҳқон, рамзи пирӯзии некӣ бар бадӣ, сардӣ ба гармӣ ва тарғибгари ваҳдату ҳамдилии сокинони сайёра ироа намуданд.
Суратҳо
