27 феврали соли ҷорӣ дар ноҳияи Рашт ҷиҳати иҷрои Нақшаи чорабиниҳо оид ба амалисозии «Барномаи рушди соҳаи ҷангал барои солҳои 2022-2026» ва Нақшаи амали «Барномаи рушди парвариши павловния дар Ҷумҳурии Тоҷикистон барои солҳои 2024-2028» семинари омӯзишӣ таҳти унвони «Идоракунии муштараки ҷангал ва парвариши павловния» барои кормандони муассисаҳои давлатии хоҷагиҳои ҷангали ноҳияҳои Рашт,Тоҷикобод, Лахш ва истифодабарандагони ҷангал аз ин ноҳияҳо, баргузор гардид.
Семинари омӯзишии мазкур бо дастгирии Ташкилоти «CARITAS» (Швейтсария) аз ҷониби муовини директори Агентии хоҷагии ҷангал Шарифзода Давлаталӣ ва сармутахассиси Раёсати хоҷагии ҷангал Қурбонов Кароматулло гузаронида шуд.