Санаи 21 марти соли равон аз ҷониби Агентии хоҷагии ҷангали назди Ҳукумати Ҷумҳурии Тоҷикистон барои таълимгирандагони мактаб-интернати ноҳияи Кӯҳистони Мастчоҳ дар рӯзи таҷлили Наврӯзи байналмилалӣ маводҳои гуногуни озуқаворӣ тақдим гардид. Маводҳои гуногуни озуқавориро намояндаи Ҳукумати Ҷумҳурии Тоҷикистон, муовини директори Агентии хоҷагии ҷангали назди Ҳукумати Ҷумҳурии Тоҷикистон Шарифзода Давлаталӣ ба ин муассисаи таълимӣ дастрас намуд.
Маврид ба ёдоварист, сарпарастӣ ва дастгирии чунин муассисаҳои таълимӣ дар мадди назари Ҳукумат ва давлати Тоҷикистон қарор дошта, барои тарбия намудани ятимон, бепарасторон ва фарзандони оилаҳои камбизоат тибқи супоришҳои ҳамешагии Асосгузори сулҳу ваҳдати миллӣ-Пешвои миллат, муҳтарам Эмомалӣ Раҳмон пайваста чораандешӣ карда мешавад.Аз ҷониби Агентии хоҷагии ҷангал назди ҳукумати Ҷумҳурии Тоҷикистон дар арафаи Иди байналмиллалӣ Наврӯз ба муҳассилини мактаб-парваришгоҳ маводҳои гуногуни озуқаворӣ аз ҷумла шакар, равған, пиёз, макарон ва гӯшт дастрас карда шуд.
Суратҳо
