Ҷустуҷӯ дар сомона



 АГЕНТИИ ХОҶАГИИ ҶАНГАЛИ НАЗДИ ҲУКУМАТИ
ҶУМҲУРИИ ТОҶИКИСТОН

Иштирок дар 15-умин Конгресси ҷаҳонии ҷангал

06 мая 2022 09:50

Аз 2 то 6 майи соли ҷорӣ 15-умин Конгресси ҷаҳонии ҷангал дар шаҳри Сеули Ҷумҳурии Корея баргузор гардид, ки дар он ҳайати Ҷумҳурии Тоҷикистон, директори Агентии хоҷагии ҷангали назди Ҳукумати Ҷумҳурии Тоҷикистон Юсуфзода Абдуҷаббор Ғайратшоҳ ва директори Муассисаи давлатии “Пажӯҳишгоҳи илмию тадқиқотии хоҷагии ҷангал” Ҳисайнов Нуралӣ иштирок намуданд.
Конгресси мазкур бузургтарин ва бонуфузтарин ҷаласаи соҳаи ҷангал дар ҷаҳон аст, ки дар шаш сол як маротиба таҳти сарпарастии Созмони озуқаворӣ ва кишоварзии Созмони Миллали Муттаҳид (FAO) баргузор мегардад.
Дар 15-умин Конгресси ҷаҳонии ҷангал директори Агентӣ Юсуфзода Абдуҷаббор суханронӣ намуда, масъалаҳои ҷараён, пешбурд ва таҳкими ҳамкориҳо байни Агентии хоҷагии ҷангали назди Ҳукумати Ҷумҳурии Тоҷикистон ва Хадамоти ҷангали Ҷумҳурии Корея, пешгирии биёбоншавӣ ва ҳифзи гуногунии биологӣ, ҳифзи ҷангалҳо, инчунин роҳандозии ҳамкориҳо ҷиҳати рушди босамари соҳаи ҷангал дар минтақа ва ҷаҳонро зикр намуданд.
Конгресси болозикр таҳти унвони “Сохтани ояндаи сабз, солим ва устувор бо ҷангалҳо” панҷ рӯз идома ёфта, дар чаҳорчӯби он вохӯриву чорабиниҳои мухталиф баргузор гардид, ки дар онҳо намояндагони Ҷумҳурии Тоҷикистон фаъолона ширкат варзиданд.
Аз натиҷаи кори Конгресси мазкур иштирокчиён ҷиҳати пешбурд ва рушди хоҷагии ҷангал дар Осиёи Марказӣ дар шаш соли минбаъда як қатор масъалаҳоро мавриди баррасӣ қарор дода, маводҳои тавсиявӣ ва лоиҳаҳои нав дар соҳаи хоҷагии ҷангал пешниҳод гардиданд.

Суратҳо

Ҳаммаи хабарҳо

Ахборҳо

Иштироки намояндагони Агентӣ дар тренинг оид ба мониторинг ва арзёбии лоиҳаҳои тағирёбии иқлим

     6 декабри соли 2022 дар доираи дастгириҳои Фонди Иқлими Сабз тренинг оид ​​ба мониторинг ва арзёбии лоиҳаҳои тағирёбии иқлим, ки дар меҳмонхонаи «Хилтон» баргузор гардид, иштирок намуданд....

07.12.2022

3

Корҳои Бунёду барқароркунии саксаул дар ноҳияи Шаҳритус бо иштироки Сафири Фавқулода ва Мухтори Ҷумҳурии Корея дар Ҷумҳурии Тоҷикистон ҷаноби Квон Донг Сок

          

Дар доираи Лоиҳаи “Барқароркунии ҷангал ва беҳтар кардани некуаҳволии мардум дар Ҷумҳурии Тоҷикистон” бо мақсади мубориза алайҳи биёбоншавӣ ва мутобиқшвавӣ ба ...

02.12.2022

2

Баргузории маҷлиси тантанавӣ бахшида ба Рӯзи Парчами давлатии Ҷумҳурии Тоҷикистон

        

        Санаи 24 ноябри соли 2022 дар толори Агентии хоҷагии ҷангали назди Ҳукумати Ҷумҳурии Тоҷикистон бахшида ба Рўзи Парчами давлатии...

25.11.2022

8

Ҳаммаи ахборҳо
00:00