Агентии хоҷагии ҷангали назди Ҳукумати Ҷумҳурии Тоҷикистон иттилоъ медиҳад, ки дар ҳошияи сафари расмии Сарвазири Ҷумҳурии Корея Ли Нак Ён ба Ҷумҳурии Тоҷикистон санаи 16-17 июли соли 2019 ва дар асоси мувофиқаи тарафайн “Ёддошти тафоҳум оид ба ҳамкорӣ дар соҳаи бунёд ва барқароркунии ҷангал байни Агентии хоҷагии ҷангали назди Ҳукумати Ҷумҳурии Тоҷикистон ва Хадамоти ҷангали Ҷумҳурии Корея” ба имзо расид.
Ҳамзамон ҷиҳати амалисозии Ёддошти тафоҳуми мазкур «Барномаи грантии Ҷумҳурии Корея оид ба татбиқи лоиҳаҳои ҳамкорӣ дар соҳаи хоҷагии ҷангал байни Агентии хоҷагии ҷангали назди Ҳукумати Ҷумҳурии Тоҷикистон ва Хадамоти ҷангали Ҷумҳурии Корея» аз ҷониби тарафҳо моҳи декабри соли 2019 ба имзо расонида шуд.
Айни замон дар доираи Барномаи грантии мазкур, ки аз ҷониби Хадамоти ҷангали Корея маблағгузорӣ мешавад, лоиҳаи «Барқарорсозии ҷангал ва баланд бардоштани некӯаҳволии аҳолӣ дар Ҷумҳурии Тоҷикистон» татбиқ гардида истодааст.
Суратҳо
